Ny bok om transhistorie: – Skandinavia har spela ei stor rolle

For den vande lesar av Blikk er nok Ketil Slagstad eit kjend namn. Slagstad var tidlegare lege, men slutta å arbeida i klinikken for å forska på medisinhistorie og det han kallar marginalisert medisin. 

Tidlegare har han kome med bok om aids-epidemien, og er no aktuell med nyutgjevinga «Standardizing sex: A history of trans medicin.»

Frå byrjinga

I boka skildrar han utviklinga i kjønnsbekreftande behandling frå den spede byrjinga i Berlin under Weimar-republikken, til den særs spesialiserte greina av medisin det har vorte i dag.