Mellom motkultur og hovudstraum på Noregs fyrste internasjonale dragkonferanse

I eit tilfelle av arbeidsfordeling, ikkje etter kompetanse men av naudsyn, vart eg den siste laurdagen i september sendt for å dekkja ein dragkonferanse. 

Det var ikkje kva som helst dragkonferanse heller. Det var faktisk den fyrste akademiske konferansen om drag i Noreg, og noko ganske banebrytande på verdsbasis.

Som ein som kan telja dragshowa hen har sett på éi hand (nærare bestemt éin finger), var eg litt usikker på kva det var eg gjekk til. For meg var dette ein stileg form for performancekunst, og eit rimeleg solid konsept for eit realityshow, men lite meir enn det. 

So feil kan ein ta.