Ei annleis pride-feiring: – Noko me treng

Når dei fleste tenkjer på pride, til og med dei fleste skeive, tenkjer dei på fest, feiring og parade. Det var ikkje årets arrangørar av Trans Pride heilt nøgde med. Dei meinte det kunne romma so mykje meir.

– Folk er veldig glade i Oslo Pride, men me har fått nokre tilbakemeldingar om at mange kunne tenkt seg noko litt meir avslappa, seier leiar i PKI, James Dixon.

Rom for alt

I motsetnad til i fjor, gjekk Trans Pride i år føre seg over to dagar heller enn berre éin. Dette gav rom for eit breitt utval av ulike arrangement og aktivitetar.