Stiller ikkje til attval

Dei to siste åra har James Dixon leia den største organisasjonen for rettane til kjønnsinkongruente i Noreg. 

I hans tid har Pasientorganisasjonen for kjønnsinkongruens (PKI) vakse, og gjennom eit hardt og langvarig arbeid har dei avslørt grove forskingsetiske brot ved Nasjonal behandlingsteneste for kjønnsinkongruens.

I tillegg har organisasjonen ogso publisert den første rapporten i sitt slag om kva pasientane tykkjer om tilbodet ved NBTK samanlikna med HKS i Oslo. Der kom det mellom anna fram at 51 prosent av respondentane meinte det hadde vorte utsette for forsøk på konverteringsterapi ved Oslo universitetssjukehus.

No er det klart at det vert med dei to åra for Dixon.